Ártúnsbrekka opnuð aftur eftir slys

Miklabraut frá Grensásvegi til austurs og upp í Ártúnsbrekku verður opnuð innan stundar eftir umferðarslys sem varð þar fyrir hádegi.

Ökumaður dráttarbíls með tengivagni slapp lítið sem ekkert meiddur þegar bíllinn og vagninn ultu neðarlega í Ártúnsbrekkunni. Svo vel vildi til að engin annar bíll var nálægur rétt þegar slysið varð. Tengivagninn var hlaðinn rúðugleri sem mölbrotnaði og dreifðist víða og þurfti að loka götunni vegna hreinsunarstarfs. Tildrög slyssins eru óljós, en mikill þungi var í glerinu sem var á tengivagninum.