Viðskipti innlent

Margt spjallað

Spákaupmaðurinn á horninu skrifar

Óskaplega finnst mér stundum gaman að tala við guttana í bönkunum. Ótrúlega vel mannaðar ljósritunarvélarnar í þessum fyrirtækjum. Þeir koma náttúrlega úr boltanum margir hverjir og skemmtilega innstilltir á að halda með sínu liði.

Kerlingar eru af báðum kynjum sagði amma mín stundum og bætti þá jafnvel við að oft væru karlar verstu kerlingarnar. Þetta á líka við um kjaftakerlingar og þar láta bankaguttarnir ekki sitt eftir liggja. Þeir eru að minnsta kosti ekkert að fegra hlut samkeppnisaðilana. Sérstaklega er þetta skemmtilegt þegar verða afturkippir á borð við sub-prime áfallið vestanhafs, þá þarf ekki mikið til að egg í garði nágrannans verði að heilu

hæsnabúi í MSN-spjallinu.

Ég náttúrlega hef það bara gott samt og hlæ að þessum titringi. Eftir hagnaðartöku sumarsins er maður núna vel í stakk búinn til að nýta sér þau færi sem gefast um það leiti sem markaðurinn hristir af sér þá sem mest eru gíraðir.

 

Markaðir Spákaupmaðurinn


Mest lesið


Fleiri fréttir

Sjá meira


×

Mest lesið