Njarðvíkingar á toppinn

Njarðvíkingar sitja nú einir á toppi úrvalsdeildar karla í körfubolta eftir sigur á liði Hamar/Selfoss í Hveragerði í kvöld 75-69. Á sama tíma töpuðu KR-ingar fyrir Skallagrími í Borgarnesi 93-84 og Keflvíkingar unnu loks sigur þegar liðið skellti Fjölni 102-90 í Keflavík. Þá vann Grindavík nauma sigur á Þór Þorlákshöfn 98-97 í hörkuleik.

Jeb Ivey var stigahæstur í liði Njarðvíkinga í sigrinum á Hamar/Selfoss með 17 tig og Brenton Birmingham skoraði 14 stig. Friðrik Hreinsson skoraði 18 stig fyrir Hamar og Svavar Pálsson 15.

Ismail Muhammad skoraði 25 stig fyrir Keflavík og Magnús Þ. Gunnarsson 23 og þá var Arnar Freyr Jónsson með 7 stig, 10 fráköst og 9 stoðsendingar. Hjá Fjölni skoraði Nemanja Sovic 22 stig, Hörður Axel Vilhjálmsson 20 og Kareem Johnson skoraði 15 stig og hirti 20 fráköst.