Rændi 101 árs gamla konu

Myndband sem sýnir óprúttinn ræningja hrinda hundrað og eins árs gamalli konu í gólfið og ræna svo handtösku hennar hefur vakið mikla reiði í Bandaríkjunum. Þrátt fyrir mikla leit er ræninginn enn ófundinn

Rose Morat er 101 árs og býr í Queens í New York í Bandaríkjunum. Þegar hún var á leið út úr húsi sínu um hádegisleytið í gær mætti henni skuggalegur maður í anddyrinu. Á öryggismyndavélum má sjá hann slá til gömlu konnunnar og róta svo í göngugrind hennar eftir verðmætum. Skiptir síðan engum togum að maðurinn kýlir svo fast í andlitið að hún fellur í jörðina og grindin með. Skúrkurinn hvarf loks út í myrkrið með handtösku Rose sem lá í gólfinu og gat sér enga björg veitt.

Fanturinn er ófundinn og leikur grunur á að hann hafi einnig verið að verki þegar 85 ára gömul kona var rænd um hálftíma síðar í sama hverfi.