Birkhead er barnsfaðir Önnu Nicole

Erfðapróf hafa leitt í ljós að Larry Birkhead, fyrrum kærasti Önnu nicole Smith, er barnsfaðir hennar. Þar með er bundinn endi á langt málaferli en Howard Stern, sem var með Önnu þegar hún dó, hefur undanfarið reynt að sanna að hann væri faðir dóttur Önnu. Birkhead hefur ávallt haldið því fram að hann væri faðir Dannielynn.

Dannielynn, dóttir Önnu, gæti erft milljónir dollara ef móður hennar heitinni er úrskurðaður sigur í máli um auðæfi fyrrum eiginmanns Önnu.