Topp al-Kaída liðsmaður skotinn til bana

Hersveitir í Alsír skutu annan æðsta liðsmann Al-Kaída í Norður-Afríku til bana í dag. Samir Moussaab, sem réttu nafni hét Samir Saioud, fannst eftir að hersveitir fengu upplýsingar frá fyrrum meðlimum hreyfingarinnar, sem hlutu sakaruppgjöf á síðasta ári.

Opinbera fréttastofan APS í Alsír greinir frá þessu.

Al-Kaída hópurinn í Norður-Afríku lýsti tvöföldu sprengjutilræði í höfuðborginni Algiers á hendur sér þann 11. apríl síðastliðinn. Tilræðið varð 33 að bana.