Samkeppni um athygli

Aflýst var óvænt í gær töluvert auglýstum fundi Félags viðskiptafræðinga og hagfræðinga undir yfirskriftinni „Samkeppnishæft viðskiptaumhverfi eftir kosningar?" Stórkanónur stjórnmálanna áttu að sitja fyrir svörum á hádegisverðarfundi undir fundarstjórn Ólafs Ísleifssonar, lektors við viðskiptadeild Háskólans i Reykjavík.

Ekki var tiltekið hvers vegna aflýst var en samkvæmt heimildum blaðsins kann skýringin að liggja í áhugaleysi á fundinum. Spurningin er hvort um er að kenna áhugaleysi fólks á kosningunum og landsstjórninni, eða að núna hafi margir í viðskiptalífinu öðrum hnöppum að hneppa í miðri uppgjörshrinu fyrsta ársfjórðungs.