Strigakjafturinn Bruce Willis (Myndband)

Hasarmyndahetjan Bruce Willis var í gær mættur til að horfa á fjórða leik New Jersey Nets og Toronto Raptors í úrslitakeppninni í NBA. Willis notaði tækifærið og kynnti nýju Die Hard myndina sem er að koma út fljótlega, en orðbragðið á kappanum þótti heldur ruddalegt fyrir beina útsendingu í sjónvarpi. Spurning hvort kappinn hafi fengið sér einum öl of mikið á hliðarlínunni.

Í endanum á myndbrotinu sem sjá má með því að smella á hlekkinn hér í fréttinni má heyra hvar Willis dásamar lið New Jersey Nets og um leið nýju Die Hard myndina. Hann segir að Nets muni fara auðveldlega í næstu umferð úrslitakeppninnar og segir jafnframt að nýja myndin sé sú besta í Die Hard seríunni til þessa. Hann tók svo ekkert aukalega fyrir að hrópa slagorð sitt úr myndinni í beinni útsendingu "Yipee-kai-yay, motherf**ker."

Smelltu hér til að sjá viðtalið við Willis.