Hver tekur við af Wolfowitz ?

Ólíklegt er að Evrópuríki sem tóku höndum saman um að hrekja Paul Wolfowitz úr starfi bankastjóra Alþjóðabankans leggi í átök við Bandaríkin um hver verður næsti bankastjóri. Hefð er fyrir því að bankastjórinn sé Bandaríkjamaður þar sem Bandaríkin leggja langmest fé til bankans.

Málið var rætt á fundi fjármálaráðherra átta helstu iðnríkja heims sem nú stendur yfir í Þýskalandi.

Evrópskir embættismenn vildu segja það eitt að þeir vonuðu að arftakinn verði fagmaður sem geti plástrað sárið eftir brottför Wolfowitz.

Og endurreist trúverðugleika bankans. Sem var í lágmarki áður en Wolfowitz tók við stjórntaumunum.