Lögreglustjórinn rændur

Bíræfinn vasaþjófur stal veski lögreglustjórans í Osló síðastliðinn mánudag. Lögreglustjórinn var þá á leið tilm útlanda og var í flugvallarlestinni ásamt eiginkonu sinni. Anstein Gjengedal grunar hóp af fólki sem var um borð í lestinni og virtist vera með farangur út um allt. Það gekk mikið á þegar hópurinn safnaði saman farangri sín um til þess að fara af lestinni. Og auk farangursins hafði fólkið með sér veski lögreglustjórans.

Gjengedal segir að sem betur fer hafi hann ekki verið með mikla peninga í veskinu. Og hann hringdi strax til þess að láta loka kortum sínum. Nokkrir dagar eru síðan lögreglan í höfuðborg Noregs hratt af stað herferð undir slagorðunum; "Osól -örugg í sumar."