Dómstóll í Georgíu náðar ungan mann

Dómstóll í Georgíufylki í Bandaríkjunum hefur fyrirskipað að 21 árs karlmanni verði umsvifalaust sleppt úr fangelsi. Íþróttahetjan og heiðursnemandinn, Genarlow Wilson, hafði fengið 10 ára dóm fyrir að hafa þegið munnmök frá 15 ára stelpu þegar hann sjálfur var 17 ára.

Dómurinn vakti mikla athygli þar sem hann þótti vera strangur og meðal annars skrifaði Jimmy Carter, fyrrverandi forseti Bandaríkjanna, bréf til stuðnings Wilson.

"Ef að eitthvað mál telst þurfa að vera vísað frá vegna misræmis í réttarkerfinu, er það þetta mál," sagði dómarinn Thomas Wilson.