Golf

Birgir Leifur á pari í Frakklandi

Birgir Leifur Hafþórsson, atvinnukylfingur úr GKG, hefur leikið fyrstu 12 holurnar á fyrsta hring á Open de Saint-Omer mótinu, sem hófst í Lumbres í Frakklandi í morgun, á pari. Hann hefur fengið 2 fugla og tvo skolla, en hinar holurnar lék hann á pari. Hann er sem stendur í 47. sæti.

Þetta er ellefta mótið sem hann tekur þátt í á Evrópumótaröðinni í ár og hefur hann komst í gegnum niðurskuðrinn á sjö mótum til þessa. Hann er sem stendur í 155. sæti á peningalista evrópsku mótaraðarinnar með 65.229 evrur (5,5 milljónir ísl. kr.) í verðlaunafé.

Ástralinn Simon Nash er á besta skori þeirra sem hafa lokið leik í dag, á 66 höggum, eða 5 höggum undir pari. Fjórir kylfingar hafa leikið á 67 höggum, eða 4 höggum undir pari. Það eru: Anders Schmidt Hansen frá Danmörku, Michael Lorezo-Vera frá Frakklandi og Spánverjarnir Carl Suneson og Santago Luna. Englendingurinn Stuart Davis lék á 68 höggum.

Frétt af Kylfingur.is

Sjá skorkort Birgis hér

Golf

Mest lesið


Fleiri fréttir

Sjá meira


×

Mest lesið