Golf

Birgir lauk þriðja hring á einum yfir pari

NordicPhotos/GettyImages
Birgir Leifur Hafþórsson hefur lokið þriðja hring á Open De Saint-Omer mótinu í Frakklandi en hann er á einu höggi yfir pari. Birgir fékk skolla á 10. holu en svo komu sex pör í röð, fugl og svo par á 18. og síðustu holunni. Samtals er Birgir því á þremur höggum yfir pari í mótinu sem setur hann í 40. sæti eins og er en nokkrir kylfingar hafa enn ekki lokið við þessa þriðju umferð.

Englendingurinn Marcus Higley er í forystu eins og sakir standa á sjö höggum undir pari en síðasti keppnisdagurinn fer fram á morgun þar sem Birgir mun freista þess að komast enn ofar í stigatöfluna.

Birgir bætti sig um tvö högg á síðari níu holunum í dag. Fyrri níu lék hann á 37 höggum en síðari níu lék hann á 35 höggum. Alla þrjá keppnisdagana hefur hann alltaf leikið betur á síðari níu holunum eða fyrsta dag á 34, svo 36 og í dag á 35 höggum.

Kylfingur.is

Golf

Mest lesið


Fleiri fréttir

Sjá meira


×

Mest lesið