Kínverjar losa mest af koltvíoxíð út í andrúmsloftið

Kína er sú þjóð sem sleppir mestu af koltvíoxíð út í andrúmsloftið. Þetta kemur fram í nýrri skýrslu sem hollensk umhverfisstofnun gerði og AP fréttastofan greinir frá. Kína fer þar með upp fyrir Bandaríkin sem hafa mengað mest allra hingað til.

"Þetta er afleiðing af aukinni iðnaðarframleiðslu og hröðum vexti þjóðarinnar," sagði Jos G.J. Olivier, yfirmaður stofnunarinnar, þegar hann kynnti niðurstöðurnar í dag. Stofnunin er sjálfstætt starfandi en þiggur greiðslur frá hollenska ríkinu við ráðgjöf í umhverfismálum.

Samkvæmt rannsókninni koma tveir þriðju hlutar af orkunni sem Kínverjar þurfa úr kolum og þeir framleiða hátt í helming af öllu sementi í heiminum. Kínverjar losuðu sem samsvarar um 6.2 milljörðum af koltvíoxíð út í andrúmsloftið á síðasta ári.