Hæsti maður heims hittir minnsta mann heims

Hæsti maður heims, Bao Sjísjún, hitti í dag minnsta mann í heimi, He Pingping. Hæðarmunurinn á þeim er einn meter og sextíu og þrír sentimetrar. Pingping hefur sótt um að komast í heimsmetabókina sem minnsti maður í heimi.

Hann gæti þó ekki komist í heimsmetabókina þar sem konan sem heldur þeim titli er aðeins sextíu og sjö og hálfur sentimeter að hæð. Að hitta Bao, sem er tveir metrar og þrjátíu og sex sentimetrar á hæð, hafði lengi verið draumur Pingpings þar sem þeir eru báðir frá sama svæðinu í innri-Mongólíu.