Putin segir enga lausn í Kosovo án aðkomu Serbíu

Friður kemst aðeins á í Evrópu ef að landamæri ríkja eru virt og þá sérstaklega Serbíu. Þetta sagði Vladimir Putin, forseti Rússlands, í morgun þegar hann var að svara spurningum um hugsanlegt sjálfstæði Kosovo.

Bæði Vesturlönd og stjórnvöld í Kosovo segja nauðsynlegt að héraðið hljóti sjálfstæði sem fyrst, sama hvað Serbía hefur um málið að segja. Rússar hafa beitt neitunarvaldi sínu gegn tillögum Sameinuðu þjóðana varðandi málið og segir að þeir líði ekkert samkomulag um framtíð Kosovo-héraðs sem Serbar koma ekki að.