Mikilvægur sigur Kalmar

Kalmar vann í dag afar mikilvægar sigur á Djurgården, liði Sigurðs Jónssonar, í sænsku úrvalsdeildinni í dag.

Kalmar vann leikinn með einu marki gegn engu og er þar með með þriggja stiga forystu á Elfsborg sem á reyndar einn leik til góða.

Þá gerðu Helsingborg og Trelleborg 1-1 jafntefli. Ólafur Ingi Skúlason lék sem fyrr ekki með fyrrnefnda liðinu vegna meiðsla.

Helsingborg er í þriðja sæti deildarinnar með 48 stig, níu stigum á eftir Kalmar.

Djurgården er svo í níunda sæti deildarinnar með 36 stig.