Látin horfa á sjónvarp meðan dótturinni var nauðgað

Móðir pólsku stúlkunnar sem faðirinn hélt fanginni og nauðgaði í sex ár segir að eiginmaðurinn hafi kúgað hana til þess að þegja um ódæðisverk sín.

Mæðgurnar hafi eitt sinn reynt að stöðva framferði hans en þá hafi hann hótað að myrða dótturina.

Móðirin segir að hann hafi skipað sér að horfa á sjónvarp þegar hann fór inn í herbergið þar sem dóttirin var geymd. Hann læsti þá herberginu og tók hurðarhúninn af áður en hann nauðgaði henni.

Bróðir föðurins og eiginkona hans hafa ennig verið tekin til yfirheyrslu vegna þessa máls, en lögreglan hefur ekki gefið upp hver þeirra þáttur hugsanlega sé.

Lögreglan leitar nú að tveim drengjum sem dóttirin er sögð hafa fætt föður sínum árin 2005 og 2007. Ganga á úr skugga um faðerni þeirra með DNA prófi.

Dóttirin er nú 21. árs gömul. Hún var fjórtán ára þegar faðirinn hóf að nauðga henni.