Nafnabreyting og nýjar höfuðstöðvar 11. júní 2008 00:01 Veislugestir Helstu nöfn sænsks viðskiptalífs, auk stjórnenda dótturfyrirtækja, mættu til veislunnar sem Moderna boðaði til í síðustu viku, auk íslensku fyrirtækjanna Sjóvá og Aska Capital sem nú eru hluti af sænsku samstæðunni. Mynd/Jan Dahlqvist Fjárfestingarbankarnir Carnegie í Svíþjóð og bandaríski bankinn Lehman Brothers undirbúa endurkomu sænska fjármálaþjónustufyrirtækisins Moderna í OMX-kauphöllina í Stokkhólmi. Moderna hét fyrir fjórða þessa mánaðar Invik og er að fullu í eigu íslenska félagsins Milestone. Samkvæmt heimildum Markaðarins stendur jafnframt til að halda lokað hlutafjárútboð í haust og kanna með því stemninguna á markaði. Milestone á félagið að fullu en stefnir að dreifðari eignaraðild þess á markaði, og þá fremur með því að auka hlutafé heldur en að félagið selji frá sér eigin bréf. Hjá Milestone er horft til þess að eignarhluturinn í Moderna nemi um fjörutíu prósentum þegar fram í sækir. Anders Fällman, forstjóri Moderna, bauð gesti velkomna í veglegri veislu sem félagið blés til í nýjum höfuðstöðvum sínum við Storeplan í Stokkhólmi til þess að kynna nýja nafnið og höfuðstöðvarnar, en þangað flutti félagið fyrr á árinu. Byggingin er gömul og vegleg og gengið inn í stórt fordyri og upp breiðar steintröppur áður en komið er að lyftum sem bera fólk upp að skrifstofunum á fimmtu hæð. „Upplifunin er þess vegna eins og að við séum með alla bygginguna og er þá tilgangnum náð. Við erum hins vegar ekki með allt húsið, þótt við gjarnan vildum,“ sagði Fällman og hló við. Þarna í nýja miðbæ Stokkhólms er fjöldi fjármálafyrirtækja, bæði dótturfélög Moderna og svo fjármálaþjónustufyrirtæki á borð við Carnegie, en þar á félagið raunar yfir sautján prósenta hlut og Anders Fällman gegnir þar stjórnarformennsku. Veislan, miðvikudagskvöldið 4. júní, var einmitt haldin í fordyrinu veglega og tveimur veislusölum inn af því þegar komið er upp á fyrstu hæðina. Sænsk hljómsveit lék fyrir dansi og í hliðarherbergjum var reynt að búa til stemningu í takt við suma undirstarfsemi Moderna. Þannig var á einum stað búið að stilla upp stóru mótorhjóli og boðið upp á amerískan grillpinnamat, en Moderna hefur meðal annars sérhæft sig í tryggingum fyrir mótorhjólafólk og náð forystu á því sviði. Þá bar mikið á skiltum þar sem nýjasta viðbótin í fyrirtækjaflóru Moderna var kynnt, en það eru Sjóvá og Askar Capital. Víða mátti líka sjá stafræna ljósmyndaramma þar sem gengu kynningar á stjórnendum fyrirtækjanna. Sænska viðburðarstjórnunarfyrirtækið Imagine annaðist skipulagningu veislunnar, en hönnun nýs útlits og merkis fyrir Moderna, svokallað rebranding, annaðist íslenska auglýsingastofan Gott fólk. Til veislunnar mætti fyrirfólk úr sænsku athafnalífi auk starfsmanna bæði í Svíþjóð og héðan af Íslandi. „Við höfum því á síðustu mánuðum nánast tvöfaldað stærð okkar,“ segir forstjóri Moderna. „Starfsmenn eru um 700 talsins og heildareignir nema um 33 milljörðum sænskra króna [nærri 430 milljörðum íslenskra króna].“ Milestone lauk í fyrrahaust yfirtökunni á Invik og segir Fällman að strax hafi verið samhljómur með stjórnendum og nýjum eigendum félagsins. Starfsfólk í Svíþjóð virðist ekki síður ánægt með nýja eigendur og stefnu. Starfsmaður tryggingafélagsins Moderna Life sem tekinn var tali rifjar upp að í fyrstu hafi fyrirtækið verið afar framsækið, en svo glatað þeim anda. Núna segir hann glaðbeittur að aftur sé orðið gaman í vinnunni, áræðnin og framsæknin séu ráðandi á ný. Héðan og þaðan Mest lesið Að sleikja narsisstann upp í vinnunni Atvinnulíf Stýrivextir líklegast ekki lækkaðir aftur á þessu ári Viðskipti innlent Alltof margir sem sitja eftir með sárt ennið Viðskipti innlent Forstjóri Flügger ákærður fyrir brot á viðskiptaþvingunum Viðskipti erlent Íslendingur missir leyfið fyrir KFC í Danmörku eftir meiriháttar hneyksli Viðskipti erlent Verðbólgan úr 3,8 prósentum í 4,2 prósent Viðskipti innlent „Alltaf leiðindamál að lenda í svona“ Viðskipti erlent Flügger rannsakað fyrir brot á viðskiptaþvingunum Viðskipti erlent Siðblindir: Þrisvar sinnum meiri líkur á að þeir séu í stjórnendastörfum Atvinnulíf Baldvin tekinn við sem forstjóri Samherja Viðskipti innlent Fleiri fréttir Stýrivextir líklegast ekki lækkaðir aftur á þessu ári Baldvin tekinn við sem forstjóri Samherja Lánardrottnar slá af milljarð af vöxtum á ári Birta stendur frammi fyrir 1,5 milljarða tapi á Play Ósátt með samráðsleysi stjórnvalda Atvinnuleysi minnkar lítillega Samkaup segja upp tuttugu og tveimur Vonast til að hefja slátrun árið 2028 Öryggismyndavélar á grenndarstöðvum eigi að sporna við sóðaskap Vilja lækka fasteignaskatta um tvo milljarða: „Við eigum fyrir þessu“ Á von á fleiri fyrirtækjum í hópmálssókn gegn Booking.com Þrjú verkefni fengu styrk úr sjóði FrumkvöðlaAuðar Endurskoða áform um 1,5 milljarða skattahækkun Tekjur meiri af erlendum ferðamönnum og færri starfandi í ferðaþjónustu Flokka úrgang í fyrsta sinn á Norðurálsmótinu Hefur sjálfur séð eyðileggingu af völdum botnvörpuveiða Bjarg íbúðafélag reisir þrjátíu íbúðir í Reykjanesbæ Allir héldu stjörnunni og Óx fékk eina græna til Raquelita Rós ráðin tæknistjóri Um helmingur sérbýla kostar meira en 150 milljónir Sérstaða Íslendinga í máltækni nýtist í nýrri samnorrænni gervigreindarmiðstöð Ragnhildur, Svavar og Hreinn nýir stjórnendur hjá N1 Sigrún Ósk ráðin upplýsingafulltrúi Akraneskaupstaðar Selur ísbílinn eftir þrjátíu ár í bransanum Tilkynningum frá verslunareigendum um alvarleg atvik hafi fjölgað „Þetta var ekki gert til að flækja, alls ekki“ Gunnþór verður formaður SFS í stað Guðmundar Heilbrigðiseftirlitið varaði við breytingunum Hvernig get ég ávaxtað peninga barnanna minna sem best? Leita að einhverjum til að reka Kolaportið áfram á sama stað Sjá meira
Fjárfestingarbankarnir Carnegie í Svíþjóð og bandaríski bankinn Lehman Brothers undirbúa endurkomu sænska fjármálaþjónustufyrirtækisins Moderna í OMX-kauphöllina í Stokkhólmi. Moderna hét fyrir fjórða þessa mánaðar Invik og er að fullu í eigu íslenska félagsins Milestone. Samkvæmt heimildum Markaðarins stendur jafnframt til að halda lokað hlutafjárútboð í haust og kanna með því stemninguna á markaði. Milestone á félagið að fullu en stefnir að dreifðari eignaraðild þess á markaði, og þá fremur með því að auka hlutafé heldur en að félagið selji frá sér eigin bréf. Hjá Milestone er horft til þess að eignarhluturinn í Moderna nemi um fjörutíu prósentum þegar fram í sækir. Anders Fällman, forstjóri Moderna, bauð gesti velkomna í veglegri veislu sem félagið blés til í nýjum höfuðstöðvum sínum við Storeplan í Stokkhólmi til þess að kynna nýja nafnið og höfuðstöðvarnar, en þangað flutti félagið fyrr á árinu. Byggingin er gömul og vegleg og gengið inn í stórt fordyri og upp breiðar steintröppur áður en komið er að lyftum sem bera fólk upp að skrifstofunum á fimmtu hæð. „Upplifunin er þess vegna eins og að við séum með alla bygginguna og er þá tilgangnum náð. Við erum hins vegar ekki með allt húsið, þótt við gjarnan vildum,“ sagði Fällman og hló við. Þarna í nýja miðbæ Stokkhólms er fjöldi fjármálafyrirtækja, bæði dótturfélög Moderna og svo fjármálaþjónustufyrirtæki á borð við Carnegie, en þar á félagið raunar yfir sautján prósenta hlut og Anders Fällman gegnir þar stjórnarformennsku. Veislan, miðvikudagskvöldið 4. júní, var einmitt haldin í fordyrinu veglega og tveimur veislusölum inn af því þegar komið er upp á fyrstu hæðina. Sænsk hljómsveit lék fyrir dansi og í hliðarherbergjum var reynt að búa til stemningu í takt við suma undirstarfsemi Moderna. Þannig var á einum stað búið að stilla upp stóru mótorhjóli og boðið upp á amerískan grillpinnamat, en Moderna hefur meðal annars sérhæft sig í tryggingum fyrir mótorhjólafólk og náð forystu á því sviði. Þá bar mikið á skiltum þar sem nýjasta viðbótin í fyrirtækjaflóru Moderna var kynnt, en það eru Sjóvá og Askar Capital. Víða mátti líka sjá stafræna ljósmyndaramma þar sem gengu kynningar á stjórnendum fyrirtækjanna. Sænska viðburðarstjórnunarfyrirtækið Imagine annaðist skipulagningu veislunnar, en hönnun nýs útlits og merkis fyrir Moderna, svokallað rebranding, annaðist íslenska auglýsingastofan Gott fólk. Til veislunnar mætti fyrirfólk úr sænsku athafnalífi auk starfsmanna bæði í Svíþjóð og héðan af Íslandi. „Við höfum því á síðustu mánuðum nánast tvöfaldað stærð okkar,“ segir forstjóri Moderna. „Starfsmenn eru um 700 talsins og heildareignir nema um 33 milljörðum sænskra króna [nærri 430 milljörðum íslenskra króna].“ Milestone lauk í fyrrahaust yfirtökunni á Invik og segir Fällman að strax hafi verið samhljómur með stjórnendum og nýjum eigendum félagsins. Starfsfólk í Svíþjóð virðist ekki síður ánægt með nýja eigendur og stefnu. Starfsmaður tryggingafélagsins Moderna Life sem tekinn var tali rifjar upp að í fyrstu hafi fyrirtækið verið afar framsækið, en svo glatað þeim anda. Núna segir hann glaðbeittur að aftur sé orðið gaman í vinnunni, áræðnin og framsæknin séu ráðandi á ný.
Héðan og þaðan Mest lesið Að sleikja narsisstann upp í vinnunni Atvinnulíf Stýrivextir líklegast ekki lækkaðir aftur á þessu ári Viðskipti innlent Alltof margir sem sitja eftir með sárt ennið Viðskipti innlent Forstjóri Flügger ákærður fyrir brot á viðskiptaþvingunum Viðskipti erlent Íslendingur missir leyfið fyrir KFC í Danmörku eftir meiriháttar hneyksli Viðskipti erlent Verðbólgan úr 3,8 prósentum í 4,2 prósent Viðskipti innlent „Alltaf leiðindamál að lenda í svona“ Viðskipti erlent Flügger rannsakað fyrir brot á viðskiptaþvingunum Viðskipti erlent Siðblindir: Þrisvar sinnum meiri líkur á að þeir séu í stjórnendastörfum Atvinnulíf Baldvin tekinn við sem forstjóri Samherja Viðskipti innlent Fleiri fréttir Stýrivextir líklegast ekki lækkaðir aftur á þessu ári Baldvin tekinn við sem forstjóri Samherja Lánardrottnar slá af milljarð af vöxtum á ári Birta stendur frammi fyrir 1,5 milljarða tapi á Play Ósátt með samráðsleysi stjórnvalda Atvinnuleysi minnkar lítillega Samkaup segja upp tuttugu og tveimur Vonast til að hefja slátrun árið 2028 Öryggismyndavélar á grenndarstöðvum eigi að sporna við sóðaskap Vilja lækka fasteignaskatta um tvo milljarða: „Við eigum fyrir þessu“ Á von á fleiri fyrirtækjum í hópmálssókn gegn Booking.com Þrjú verkefni fengu styrk úr sjóði FrumkvöðlaAuðar Endurskoða áform um 1,5 milljarða skattahækkun Tekjur meiri af erlendum ferðamönnum og færri starfandi í ferðaþjónustu Flokka úrgang í fyrsta sinn á Norðurálsmótinu Hefur sjálfur séð eyðileggingu af völdum botnvörpuveiða Bjarg íbúðafélag reisir þrjátíu íbúðir í Reykjanesbæ Allir héldu stjörnunni og Óx fékk eina græna til Raquelita Rós ráðin tæknistjóri Um helmingur sérbýla kostar meira en 150 milljónir Sérstaða Íslendinga í máltækni nýtist í nýrri samnorrænni gervigreindarmiðstöð Ragnhildur, Svavar og Hreinn nýir stjórnendur hjá N1 Sigrún Ósk ráðin upplýsingafulltrúi Akraneskaupstaðar Selur ísbílinn eftir þrjátíu ár í bransanum Tilkynningum frá verslunareigendum um alvarleg atvik hafi fjölgað „Þetta var ekki gert til að flækja, alls ekki“ Gunnþór verður formaður SFS í stað Guðmundar Heilbrigðiseftirlitið varaði við breytingunum Hvernig get ég ávaxtað peninga barnanna minna sem best? Leita að einhverjum til að reka Kolaportið áfram á sama stað Sjá meira