Ráðherra í klámkvikmyndum

Heilbrigðisráðherra Malasíu hefur viðurkennt að hann sé karlmaðurinn í tveim klámmyndum sem hefur verið víða dreift í landinu.

Chua Soi Lek segir að konan sé persónulegur vinur sinn. Jafnframt segist hann ekki hafa átt neinn þátt í því að taka upp myndirnar, hver hafi gert það skipti ekki máli.

Ráðherrann segir að hann hafi beðið forsætisráðherrann afsökunar, sem og fjölskyldu sína. Honum hafi verið fyrirgefið og hann ætli ekki að segja af sér.

Myndböndin voru tekin á hóteli, en ekki er vitað hvaða hótel það var, né hvenær myndirnar voru teknar. Annað myndbandið er sagt vera nærri klukkustundar langt.