Alvöru neðansjávarbíll

Nú verður James Bond væntanlega glaður. Bond aðdáendur muna allir eftir því þegar hann kom keyrandi upp úr sjónum í glæsilegri sportbifreið sem jafnframt var kafbátur (kafbíll ?).

Svissneska fyrirtækið Rinspeed hefur nú sent frá sér myndir af alvöru neðansjávarbíl. Og fullyrðir að hann virki vel.

Þar sem þetta er opinn sportbíll verður ökumaðurinn væntanlega að vera með froskköfunartæki. Í fréttatilkynningu frá Rinspeed segir að bíllinn verði opinberlega kynntur í næsta mánuði.