Markús Máni útilokar ekki að spila með Val

Markús Máni Michaelsson útilokar ekki að spila með Val á tímabilinu en hann æfði með liðinu fyrir nokkru síðan. Þetta sagði hann í samtali við Vísi í dag.

Markús var kjörinn besti leikmaður deildarinnar á lokahófi HSÍ í fyrra eftir að Valur varð Íslandsmeistari.

Valur byrjaði illa á tímabilinu en er nú í þriðja sæti deildarinnar, einu stigi á eftir Fram. Þessi lið mættust í bikarúrslitaleik karla um helgina þar sem Valur fór með sigur af hólmi.

Valur er þó fimm stigum á eftir toppliði Hauka en þessi lið eiga eftir að mætast einu sinni á tímabilinu.