Tveir leikir í N1-deild kvenna í kvöld

Fjórða umferð N1-deildar kvenna í handbolta hefst í kvöld þegar Íslands -og bikarmeistarar Stjörnunnar heimsækja Fylki í Árbænum.

Stjörnustúlkur hafa nú unnið tvo leiki í röð eftir tap í fyrstu umferðinni en Fylkisstúlkur hafa aðeins spilað tvo leiki til þessa, unnið einn og tapað einum.

Þá tekur FH á móti Víkingi í Krikanum en FH hefur líkt og Fylkir unnið einn leik og tapað einum. Hið unga lið Víkings hefur hins vegar tapað öllum þremur leikjum sínum til þessa með afgerandi hætti.

Leikir kvöldsins:

Fylkir-Stjarnan, Fylkishöll kl. 19.30

FH-Víkingur, Kaplakriki kl. 19.30