Sölvi Geir líklega á förum frá SønderjyskE

Landsliðsmaðurinn Sölvi Geir Ottesen hjá SønderjyskE í Danmörklu hefur ítrekað verið orðaður við ensk og skosk félög á síðustu mánuðum og Guðlaugur Tómasson umboðsmaður hans viðurkennir í samtali við Sporten.dk að hann hafi trú á því að varnarmaðurinn muni skipta um félag í félagsskiptaglugganum í sumar.

„Það er ekkert leyndarmál að félög frá Englandi og Skotlandi hafa verið að fylgjast vel með Sölva. Það eru reyndar einnig topp félög í Danmörku einnig búin að gera og ég er nokkuð viss um að eitthvað mun gerast í hans málum í sumar," segir Guðlaugur.

Sölvi Geir hefur þótt standa sig frábærlega með SønderjyskE en áður lék hann með Djurgården í Svíþjóð og Víkingi Reykjavík á Íslandi.