Fleiri bogna en Baugur...

Willams-liðið í Formúlu eitt kappakstrinum finnur, eins og væntanlega fleiri keppnislið, rækilega fyrir fjármálakreppunni sem ríður yfir heiminn. Um daginn missti liðið samninginn við leikfangaverslunina Hamley's eitt dótturfélaga Baugs í Bretlandi og nú í gær var tilkynnt að ekki ómerkara fyrirtæki en Royal Bank of Scotland (RBS) myndi ekki endurnýja auglýsingasamning sinn við Williams.

Hann rennur þó ekki út fyrr en við lok keppnistímabilsins 2010. Hins vegar þarf tæpast nokkurn að undra þótt RBS skeri niður kostnað hvar sem bankinn getur, enda var hann að skila mesta tapi sem um getur í breskri fyrirtækjasögu til þessa.