Gay fór í náraaðgerð

Tyson Gay verður mættur á hlaupabrautina þegar frjálsíþróttatímabilið hefst. Það hafa læknar staðfest enda segja þeir náraaðgerðina sem hann fór í hafa heppnast vel.

Þessi 27 ára gamli hlaupari var að berjast við þessi þrálátu nárameiðsli lengi áður en hann lagðist undir hnífinn. Honum tókst þrátt fyrir það að hlaupa á 9,71 sekúndu á HM. Það dugði samt ekki til gegn Usain Bolt.

Gay segist hafa fulla trú á því að hann muni hlaupa enn hraðar þegar hann verði búinn að jafna sig eftir aðgerðina.