Murray í erfiðleikum í fyrstu umferð á Wimbledon

Tenniskappinn Andy Murray átti erfitt uppdráttar í fyrstu umferð á Wimbledon-mótinu í dag og mátti hafa sig allan við til þess að leggja Bandaríkjamanninn Robert Kendrick að velli (7-5, 6-7, 6-3 og 6-4).

Miklar vonir eru bundnar við að Skotinn Murray haldi uppi heiðri Breta á mótinu en Svisslendingurinn Roger Federer, sem hefur fimm sinnum unnið Wimbledon mótið, er talinn sigurstranglegastur.

Þetta er ekki í fyrsta skiptið sem að Kendrick stríðir stóru nöfnunum í tennisheiminum en hann háði harða fimm lotu baráttu við Rafael Nadal á All England club-mótinu árið 2006.

Kendrick er númer 76 á heimslista tennisspilara en Murray er númer þrjú á þeim lista.