Bjarni Fritzson: Þetta eru skemmtilegustu leikir sem þú spilar

Bjarni Fritzson skoraði 9 mörk fyrir FH í 37-38 tapi liðsins í tvíframlengdum leik á móti nágrönnum sínum í átta liða úrslitum Eimskipsbikarsins í dag.

„Þetta eru skemmtilegustu leikir sem þú spilar og besta sem ég geri. Ég var mjög ánægður með liðið, allir að gera sitt besta og það er það sem skiptir máli," sagði Bjarni Fritzson, hornamaður FH, súr á svip eftir tap gegn Haukum í Hafnarfjarðarslagnum.

Ólafur fékk umdeilt rautt spjald en Bjarni vildi lítið segja um málið.

„Ég sá þetta og hef ekkert um það að segja. En mér skilst að hann hafi farið með hnefan í andlitið á honum og það er rautt samkvæmt reglunum og ekki við því að segja," sagði Bjarni að lokum.