Tæplega 13 þúsund manns atvinnulausir

Atvinnuleysi í júlí síðastliðnum var 7,5% en að meðaltali voru 12.569 manns atvinnulausir í mánuðinum, samkvæmt tölum Hagstofunnar. Minnkar atvinnuleysi um 3,2% frá júní, eða um 419 manns að meðaltali.

Körlum á atvinnuleysisskrá fækkar um 437 eða um 5,9% að meðaltali en konum fjölgar hins vegar um 18 að meðaltali. Mest fækkar atvinnulausum hlutfallslega á Vesturlandi eða um 52 manns. Atvinnuleysið er 8,5% á höfuðborgarsvæðinu en 5,8% á landsbyggðinni. Mest er það á Suðurnesjum 11,7%, en minnst á Norðurlandi vestra 2,5%.

Atvinnuleysið er 7,4% meðal karla og 7,5% meðal kvenna