Framtakssjóður er ekki að kaupa hlut í MP banka

"Við eigum ekki í viðræðum um aðkomu að MP banka," segir Finnbogi Jónsson, framkvæmdastjóri Framtakssjóðs Íslands.

MP banki tapaði 1,9 milljörðum króna á fyrri hluta árs. Unnið hefur verið að því að auka eigið fé bankans í samráði við Fjármálaeftirlitið (FME).

Gunnar Karl Guðmundsson, forstjóri MP banka, sagði í samtali við fréttastofu Stöðvar 2 á mánudag að rætt hafi verið við lífeyrissjóðina og Framtakssjóðinn um kaup þeirra á hlutafé bankans.

Finnbogi sagði að ekki yrði opinberað hverjir leiti til Framtakssjóðsins þegar ekkert verði úr viðskiptunum.- jab