Leigusamningum fjölgar töluvert milli mánaða

Þetta kemur fram á vefsíðu þjóðskrár Íslands sem hefur tekið saman upplýsingar um fjölda þinglýstra leigusamninga um íbúðarhúsnæði eftir landshlutum í september 2010.

Hin mikla fjölgun á leigusamningum skýrist að stærstum hluta að skólar byrjuðu að nýju eftir sumarfrí á þessum tíma.

Eftir landshlutum fjölgaði samningum mest milli mánaða á Vesturlandi eða tæplega 138% en þeim fækkaði mest á Austurlandi eða um 31,6%. Á höfuðborgarsvæðinu fjölgaði samningunum um tæp 14% en þar voru þeir líka langflestir eða 868 talsins sem er yfir helmingur af heildinni.