Iceland Express í villtu verðstríði í Kaupmannahöfn

Íslenska flugfélagið Iceland Express hefutr hafið villt verðstríð á leiðinni milli Kaupmannahafnar og New York. Þetta segir í frétt í Jyllands Posten um málið.

Í blaðinu kemur fram að farmiðinn hjá Iceland Express á þessari leið, með sköttum og gjöldum, kostar nú aðeins 1.190 danskar krónur eða tæplega 25 þúsund krónur. Um er að ræða tilboð sem gildir í skamman tíma eða milli 22. nóvember og fram til 13. desember.

Haft er eftir Bettine Lyngs talsmanni Iceland Express í Danmörku að félagið hafi boðið upp á lægstu fargjöld fyrir Dani á leið til New York síðan í júní s.l.og nú lækki þau ennfrekar.

Til samanburðar má nefna að ódýrasta tilboðsverð hjá Iceland Express frá Keflavíkurflugvelli til New York er 24.400 kr. aðra leiðina. Hægt er svo að spara sér 1.500 kr. með því að panta þetta tilboð á netinu.