Arion banki segir umtalsverðan árangur hafa náðst

Arion banki segir umtalsverðan árangur hafi náðst innan bankans í úrlausnarmálum einstaklinga og fyrirtækja. Þetta segir tilkynningu sem bankinn sendi frá sér vegna orða forsætisráðherra í stefnuræðu sinni í gær. Bankinn segir að vissulega væri óskandi að árangur væri enn meiri en hér séu á ferðinni flókin og tímafrek úrlausnarefni þar sem vanda þurfi til verka.

Nefnir bankinn sem dæmi að um 3000 einstaklingar hafi nýtt sér þær lausnir sem bankinn hafi boðið upp á varðandi íbúðalán, þar af hafi bankinn samþykkt 150 sértækar skuldaaðlaganir. Í úrlausnarmálum fyrirtækja hafi Arion banki lagt áherslu á stærri fyrirtæki og sé búið að ná samkomulagi við um tvo þriðju hluta stærri fyrirtækja sem eigi við skuldabanda að glíma færist áherslan yfir á smærri fyrirtæki og lausnir fyrir þau.