Samið við Belize um að stöðva skattaundanskot

Samstarf Norðurlanda um að stöðva skattaundanskot heldur áfram. Á miðvikudag undirrituðu fulltrúar norrænu ríkjanna: Svíþjóðar, Danmerkur, Noregs, Finnlands og Íslands og fulltrúar sjálfstjórnarsvæðanna Grænlands og Færeyja, samning um gagnkvæm upplýsingaskipti við Belize.

Í frétt um málið á vefsíðunni norden.org segir að samkomulagið veitir norrænum skattayfirvöldum aðgang að fjármálaupplýsingum um alla einstaklinga sem reyna að komast hjá því að greiða skatta af tekjum og fjárfestingum.

Samkomulagið mun þannig stuðla að því að upp komist um eignir sem ekki hafa verið gefnar upp til skatts í heimalandinu. Samkomulagið er tvíhliða við hvert land fyrir sig vegna þess að kveðið er á um það í stjórnarskrám að samþykkja þurfi slíka samninga í þjóðþingunum.

Frá því að samningaviðræður hófust vorið 2007 hafa norrænu ríkin gert samkomulag um upplýsingaskipti við Andorra, Antikú og Barbúda, Arúba, Bahamaeyjar, Bermúdaeyjar, Dominíku, Grenada, Guernsey, Isle of Man, Jersey, Mónakó, Antillaeyjarnar, Cayman eyjar, Bresku Jómfrúareyjarnar, Anguilla, Turcs aog Caicos-eyjar, Gíbraltar, Grenadinerna, Cook Islands, Samóa, St. Vincent, St. Kitts och Nevis, San Marino, og St. Lucia. Norðurlönd eru þar með í fararbroddi á alþjóðavettvangi í baráttunni gegn skattaundanskotum.

Samkomulagið var undirritað í dag við hátíðlega athöfn í sænska sendiráðinu í París.