Fulltrúar Bandaríkjanna og Kína á gjaldmiðlafundi

Timothy Geithner, fjármálaráðherra Bandaríkjanna, átti fund með fulltrúum kínverskra stjórnvalda vegna ágreinings um jenið, gjaldmiðil Kínverja.

Samkvæmt heimildum sem fréttastofa BBC hefur úr bandarísku stjórnsýslunni urðu hreinskiptin samskipti um efnahagsleg tengsl Bandaríkjanna og Kína. Bandarísk stjórnvöld saka Kína um að halda jeninu óeðlilega lágu til að styrkja útflutning Kínverja. Stjórnvöld í Kína hafna þessu hins vegar alfarið.

Fulltrúar tuttugu stærstu iðnríkja í heimi, svokölluð G 20 ríki, samþykktu í gær að slíkar æfingar með gjaldmiðla ættu ekki að líðast. G 20 ríkin funda um þessa helgi í Suður Kóreu.