Viðskipti innlent

Hekla boðin til sölu

Arionbanki ætlar selja bílaumboð Heklu og rennur tilboðsfrestur út 29. september. Hekla var stofnuð árið 1933 og var um árabil eitt öflugasta bílaumboð í landinu.

Það hefur nú umboð fyrir Volkswagen, Audi, Skoda og Mitsubishi. Bankinn yfirtók félagið vegna skulda, og hefur þegar selt véladeild þess, sem meðal annars hefur umboð fyrir Caterpillar vinnuvélar og Mitsubishi hverfla í gufuaflsvirkjanir.

Í tilkynningu segir að áhugasömum fjárfestum, er bent á að skila trúnaðaryfirlýsingu til Fyrirtækjaráðgjafar Arion banka sem annast söluferlið. Í kjölfarið verða þátttakendum afhent sölugögn á tímabilinu 21. - 28. september næstkomandi. Tekið verður við óskuldbindandi tilboðum til kl. 16.00 miðvikudaginn 29. september.

Tilboðin verða metin og völdum fjárfestum boðin áframhaldandi þátttaka í söluferlinu. Þeir fjárfestar fá síðan aðgang að frekari upplýsingum um rekstur og fjárhag Heklu áður en óskað verður eftir lokatilboðum og gengið til endanlegra samninga um sölu.

Velta bílasviðs Heklu nam um 5,5 milljörðum króna árið 2009 og er markaðshlutdeild um 18,5% af sölu nýrra bíla það sem af er árinu 2010, sem er sambærilegt við markaðshlutdeild síðustu 5 ára að jafnaði.





Mest lesið


Fleiri fréttir

Sjá meira


×

Mest lesið