Engin uppgjöf hjá McLaren í titilslagnum

Martin Whitmarsh, forstjóri McLaren segir að það væri ekki gáfulegt hjá keppinautum sínum um Formúlu 1 titlanna að afskrifa lið sitt. Lewis Hamilton og Jenson Button eru í þriðja og fimmta sæti í stigamótinu, en keppinautar þeirra komust allir á verðlaunapall í síðustu keppni.

Mark Webber er efstur í stigamótinu með 220 stig, en Fernando Alonso og Jenson Button erum með 206, en Hamilton 192 og Button 189. Red Bull er með 426 stig í keppni bílasmiða, McLaren 381 og Ferrari 334.

Þrjú mót eru eftir í stigamótinu. Fyrst verður keppt í Suður Kóreu um aðra helgi, en í Brasilíu og Abu Dhabi í nóvember.

"Það eru þrjú mót eftir og 75 stig í pottinum fyrir ökumenn og það væri ekki viska í því að afskrifa Jenson, Lewis eða McLaren", sagði Whitmarsh í frétt á autosport.com.

"Báðir hafa ökumennirnir unnið titla áður og þeir skilja erfiðleikanna sem fylgja slíkri stöðu og skila árangri þegar álagið er sem mest. Þeir eru tilbúnir í þennan slag. Líklega mun titilinn vinnast af þeim sem sýnir stöðugleika.

Við munum halda áfram með framsækna þróunarvinnu og mætum með nýja hluti í þennan slag. Við þurfum mikið af stigum í öllum mótunum. Við stefnum á sigur og gefumst ekki upp án baráttu."

Hamilton hefur gengið heldur illa í síðustu mótum, en vann síðast á Spa brautinni í Belgíu. hann varð fimmti í síðustu keppni eftir að gírkassi í bíl hans bilaði og Button náði þar með að smeygja sér framúr honum og næla í fjórða sætið.

Hamilton hafði fengið fimm sæta refsingu eftir tímatökuna þar sem skipta þurfti um gírkassa í bílnum. Hann fær ekki samskonar refsingu eftir tímatökuna í næsta móti, þó hann verði að skipta um gírassa að sögn Whitmarsh.