Aðeins einn lífeyrissjóður með jákvæða stöðu

Þetta kemur fram á vefsíðu Fjármálaeftirlitsins. Þar segir að lífeyrissjóðir án ábyrgðar launagreiðenda, 24 talsins, hafa nú skilað skýrslum um tryggingafræðilega stöðu miðað við stöðuna 31/12/2009. Bráðbirgða niðurstöður sýna að heildar tryggingafræðileg staða er nokkuð svipuð frá árinu áður og er vegið meðaltal tryggingafræðilegrar stöðu -11%. Aðeins 1 sjóður er með jákvæða tryggingafræðilega stöðu.

Framlengt var bráðabirgðaákvæði í lífeyrissjóðalögunum sem fól í sér að ekki væri nauðsynlegt að skerða réttindi ef neikvæð staða héldist innan 15%. Samkvæmt bráðbirgðaniðurstöðum þurfa væntanlega 2 sjóðir að skerða réttindi sjóðfélaga.

Samkvæmt niðurstöðum innsendra skýrslna sýna 13 sjóðir jákvæða hreina raunávöxtun fyrir árið 2009. Vegið meðaltal hreinnar raunávöxtunar allra 24 sjóðanna er nálægt -0,85% fyrir árið 2009.

Fram kemur að verst er staðan hjá Lífeyrissjóðnum Skildi en staða hans er neikvæð um 28,1%.