Alonso kjörinn sá besti af framkvæmdarstjórum keppnisliða

Tímaritið Autosport stóð fyrir kosningu á besta Formúlu 1 ökumanni ársins á meðal tólf framkvæmdarstjóra keppnisliða. Kosningin var leynileg, en var birt í nýjasta eintaki tímaritsins í vikunni. Spánverjinn Fernando Alonso varð fyrir valinu. Framkvæmdarstjórar liðanna þurftu að gefa tíu ökumönnum stig, eins og gert er í Formúlu 1, frá 25 stigum niður í 1. Alonso fékk 9 stigum meira en heimsmeistarinn Sebastian Vettel, en Alonso varð fjórði í sama kjöri í fyrra.Vettel var efstur í kjöri framkvæmdarstjóra í fyrra, þó hann yrði ekki meistari. Nýliðinn Nico Hulkenberg komst í 8.-9. sæti ásamt Rubens Barrichello, en Hulkenberg er hættur hjá Wiliams liðinu og Pastor Maldonado kominn í hans stað. Niðurstaða kosningarinnar er hér að neðan, að atkvæði framkvæmdarstjóra Ferrari meðtöldu, en það kom of seint til að birtast í tímaritinu sjálfu, en birtist á vefsíðunni autosport.com. Einn framkvæmdarstjóri vildi bara velja um fyrstu þrjá ökumennina, vegna mismunar á bílum sem keppendur höfðu yfir að ráða. Stigin sem ökumenn fengu samkvæmt frétt um málið á autosport.com. 1. Alonso 229 2. Vettel 220 3. Hamilton 196 4. Webber 146 5. Kubica 129 6. Button 86 7. Rosberg 68 8-9. Hulkenberg 17 8-9. . Massa 17 10. Barrichello 11