Viðsnúningur til hins betra í rekstri Spalar ehf. milli ára

Hagnaður Spalar ehf eftir skatta fyrir rekstarárið 1. október 2009 til 30. september 2010 nam kr. 236 milljónum kr. en tap á tímabilinu 1. október 2008 til 30. september 2009 nam 129 milljónum kr.

Í tilkynningu um uppgjörið segir að hagnaður Spalar ehf eftir skatta á fjórða ársfjórðungi félagsins sem er 1. júlí 2010 til 30. september 2010 nam 189 milljónum kr. Á sama tíma árið á undan nam hagnaður félagsins 54 milljónum kr. Spölur rekur sem kunnugt er Hvalfjarðargöngin.

Veggjald ársins nam 975 milljónum kr. til samanburðar við 920 milljónir kr. árið áður sem er 6% hækkun.

Rekstrarkostnaður Spalar ehf án afskrifta fyrir árið 1. október 2009 til 30.september 2010 nam 281 m.kr. og hækkar um rúmar 19 m.kr frá árinu áður þegar hann nam 262 m.kr. Skýrist þessi hækkun fyrst og fremst vegna hækkun launa og launatengdra gjalda og aðkeyptrar þjónustu.

Afskriftir á rekstrarárinu 2010 námu samtals 114 milljónum kr. og lækka á milli ára um 50%.

Skuldir Spalar ehf lækka úr 4.4 milljörðum kr. þann 30. september 2009 í 4.2 milljarða kr. þann 30.september 2010.