Umfjöllun: Akureyri stráði salti í sár Valsmanna

Leikur Vals og Akureyringa fór fram í kvöld í Vodafone höllinni og fóru Akureyringar með 23-17 með sigur af hólmi.  Með þessu eru þeir enn á topp N1 deildarinnar og hafa unnið alla sína leiki.

Fyrir leikinn voru Valsmenn stigalausir á botninum eftir fjóra leiki á meðan Akureyringar sátu á toppnum með fjóra sigra úr fjórum leikjum. Því lá mikið undir heimamönnum að ná fyrsta sigri tímabilsins.

Leikurinn fór afar hægt af stað og voru bæði liðin að brenna góðum færum framan af. Fyrsta mark leiksins og Valsara kom eftir tæplega 10 mínútur og náðu Akureyringar ekki að svara fyrr en þegar fyrri hálfleikur var rúmlega hálfnaður.

Eftir það komust Akureyringar á ágætis skrið og náðu forskotinu á 24. Mínútu og héldu því út hálfleikinn sem endaði með 8-6 forskoti gestanna.

Þeir slepptu aldrei forskoti sínu í seinni hálfleik og Valsmenn náðu oft að komast nálægt því að jafna en Akureyringar héldu út og unnu að lokum sannfærandi 6 marka sigur.

Bæði lið spiluðu mjög góðan varnarleik og geta Valsmenn tekið margt úr þessum leik í næsta leik sinn gegn FH. Þeir þurfa hinsvegar að fara að sækja einhver stig ætla þeir sér ekki að vera í botnbaráttunni.

Valur-Akureyri 17-23 (6-8)

Mörk Vals:  Valdimar F. Þórsson 6/1, Ernir Hrafn Arnarson 4, Gunnar Harðarson 2, Fannar Þorbjörnsson 2, Heiðar Þór Aðalsteinsson 1, Alexandr Jedic 1, Anton Rúnarsson 1,

Varin skot: Ingvar Kristinn Guðmundsson 13

Hraðaupphlaup: 2( Valdimar Þórsson , Fannar Þorbjörnsson )

Fiskuð víti: 2 ( Valdimar Þórsson, Orri Freyr Gíslason)

Utan vallar:4 mínútur.

Mörk Akureyri: Bjarni Fritzson 7/1, Oddur Gretarsson 5, Guðmundur Helgason 4, Geir Guðmundsson 3, Bergvin Gíslason 2, Hörður F. Sigþórsson 1, Heimir Ö. Árnason 1

Varin skot:Sveinbjörn Pétursson  14

Hraðaupphlaup: 3 (Bjarni Fritzson, Oddur Gretarsson, Guðmundur Helgason)

Fiskuð víti: 1 (Oddur Gretarsson)

Utan vallar: 6 mínútur.