Vill eftirlit frá Vinnumálastofnun til verkalýðsfélaga

„Það fór allt í rugl þegar vinnumálastofnun fór að sjá um þetta," sagði Tryggvi Herbertsson, þingmaður Sjálfstæðisflokksins, um eftirlit með bótagreiðslum en honum finnst Vinnumálastofnun ekki vandanum vaxið til þess að hafa eftirlit með þeim fjölda bótaþega.

Þetta kom fram í Íslandi í dag þar sem rætt var við Tryggva og Guðbjart Hannesson, félagsmálaráðherra.

„Mér finnst mikilvægt að eftirlitið verði aftur fært til verðkalýðsfélaganna og fyrirtækjanna," sagði Tryggvi sem afhenti Guðbjarti skýrslu sem hann skrifaði um málaflokkinn árið 1999.

Guðbjartur sagði ekki koma til greina að lækka bæturnar en Vilhjálmur Egilsson, framkvæmdastjóri Samtaka atvinnulífisins, sagði í viðtali við Stöð 2 í gær að háar bætur gætu verið letjandi fyrir vinnumarkaðinn.

„Við verðum að tryggja að fólk fái kjör sem það geti lifað af á," sagði Guðbjartur en ráðuneyti hans vinnur nú að enduskipulagningu á almannatryggingakerfinu.