Ólafur sá til þess að 300. leikurinn hans vannst - myndir

Ólafur Stefánsson, lék sinn 300. landsleik í Laugardalshöllinni í gær þegar Ísland vann 28-26 sigur á Lettum í fyrsta leik sínum í undankeppni EM. Ólafur tók af skarið undir lok leiksins og átti þátt í öllum mörkum íslenska liðsins á síðustu sex mínútum leiksins.

Ólafur var með 6 mörk og 5 stoðsendingar í sínum 300. leik þar af komu þrjú markanna og tvær stoðsendingar á lokaspretti leiksins.

Stefán Karlsson, ljósmyndari Fréttablaðsins og Vísis, var í Laugardalshöllinni í gær og myndaði þennan tímamótaleik hjá landsliðsfyrirliðanum sem betur fer endaði á jákvæðu nótunum eftir mikið ströggl.

Myndirnar má sjá í albúminu hér að neðan. Hægt er að sjá myndirnar stærri með því að smella á þær.