Ákveðið að Árni og Stefán Jón taki þátt í risasviginu

Árni Þorvaldsson og Stefán Jón Sigurgeirsson ætla að taka þátt í risasviginu á Ólympíuleikunum í Vancouver á föstudaginn og verða því fyrstu íslensku keppendurnir til þess að taka þátt í Vetrarólumpíuleikunum.

Mikil veðurblíða einkenndi Ólympíuleikana í Vancouver og Whistler í gær sem og reiknað er með áframhaldandi veðurblíðu næstu daga. Það má því búast við góðu keppnisveðri og að fyrirliggjandi dagskrá muni haldast.

Íslensku keppendurnir nýttu daginn í gær vel til æfinga enda styttist í að keppni þeirra muni hefjast.

Daginn eftir að Árni og Stefán Jón keppa í risasviginu keppir síðan Íris Guðmundsdóttir í risasvigi kvenna.