Lokaumferð N1-deildar karla í kvöld

Stórleikurinn í Vesturbænum í kvöld er ekki eini íslenski íþróttaviðburðurinn í dag. Lokaumferð N1-deildar karla fer einnig fram í kvöld.

Spennan er reyndar afar lítil fyrir leiki kvöldsins. Akureyri er deildarmeistari, FH er í öðru sæti, Selfoss er fallið og Afturelding fer í umspil um laust sæti í efstu deild að ári.

Eina spennan er hvort HK eða Fram verði í þriðja sæti deildarinnar en þau mæta einmitt efstu tveim liðunum í kvöld.

Einu stigi munar á liðunum, Fram er með stigi meira. HK þarf því að leggja FH af velli og treysta á sigur Akureyri gegn Fram til þess að ná þriðja sætinu.

Leikirnir í kvöld hefjast klukkan 19.30:

Akureyri - Fram

HK - FH

Afturelding - Selfoss

Haukar - Valur