Óvænt úrslit í Valitor-bikarnum

Það var mikið um að vera í Valitor-bikar karla í gærkvöldi en alls fóru fram ellefu leikir. Vísir greindi í gær frá frábærum leik milli Skagamanna og Selfyssinga sem fór alla leið í vítaspyrnukeppni og bráðabana þarsem Selfyssingar stóðu uppi sem sigurvegarar.



Þróttarar voru aldrei í vandræðum með Ármann en þeir unnu algjöran skyldusigur 5-0.



KV bar sigur úr býtum gegn Aftureldingu sem verður að teljast heldur óvænt tíðindi þar sem Knattspyrnufélag Vesturbæjar leikur í 3. deildinni en Afturelding í  2.deild.



Fossvogsdrengirnir í Berserkjum slógu út ÍH, 2-1, eftir framlengdan leik en Berserkir leika í 3. deildinni en ÍH í 2. deild, virkilega sterkur sigur hjá Berserkjum.

Dregið verður í 32-liða úrslit í Valitor-bikarnum í hádeginu í dag.



Hér að neðan má sjá úrslit gærkvöldsins: 

Þróttur 5-0 Ármann

KFG 1-3 BÍ/Bolungarvík

Höttur 5-2 Fjarðabyggð

Draupnir 0-3 KA

Björninn 0-1 Njarðvík

ÍR 6-0 Víðir

Grótta 0-2 Haukar

Afturelding 0-1 KV

KFR 1-4 HK

ÍH 1-2 Berserkir

Selfoss 2-2 ÍA (5-4 eftir vítaspyrnukeppni og bráðabana)