Gusgus gerði allt vitlaust

Meðfylgjandi myndir voru teknar á fyrri útgáfutónleikum GusGus á Nasa við Austurvöll í kvöld en hljómsveitin hélt tvenna tónleika og voru fyrri í beinni útsendingu á Lífinu á Vísi.

Nýjasta plata GusGus, Arabian Horse, er að gera allt vitlaust og hefur fengið toppdóma. Á plötunni stillir GusGus upp einvalaliði, með söngvarana Daníel Ágúst, Urði Hákonardóttur og Högna Egilsson í Hjaltalín í forgrunni og skipstjóra sveitarinnar, þá Stebba Steph og Bigga Veiru, við stjórnvölinn.

Eins og myndirnar sýna var gríðarlega góð stemning á tónleikunum - Gusgus gerði bókstaflega allt vitlaust.