U19 landslið Íslands steinlá gegn Hollandi

Landslið Íslands skipað leikmönnum 19 ára og yngri beið lægri hlut 20-12 gegn Hollendingum á Opna Evrópumótinu í handknattleik sem fram fer í Gautaborg. Íslenska liðið leiddi í hálfleik 9-7.

Þetta var þriðji leikur íslenska liðsins á mótinu en liðið vann báða leiki sína í gær. Í fyrri leik dagsins vannst dramatískur 20-19 sigur á Rússum. Í þeim síðari voru Finnar teknir í kennslustund 28-15.

Úrslitin koma nokkuð á óvart eftir frábæra byrjun íslensku strákanna á mótinu. Hollendingar töpuðu sínum fyrsta leik í gær gegn Belgum 17-12. Íslenska liðið mætir Belgum í lokaleik sínum í riðlinum í fyrramálið klukkan sjö að íslenskum tíma.