Djokovic lagði Nadal í úrslitum Wimbledon

Serbinn Novak Djokovic varð í dag Wimbledon-meistari í tennis er hann lagði Rafael Nadal í fjórum settum, 6-4, 6-1, 1-6 og 6-3. Þetta er fyrsti sigur Djokovic á Wimbledon.

Djokovic mætti gríðarlega vel stemmdur og virtist ætla að slátra Nadal í þrem settum. Eftir að hafa tapað fyrstu tveim settunum kom Nadal til baka.

Hann var síðan sjálfum sér verstur í fjórða settinu, Djokovic gekk á lagið og kláraði leikinn með stæl.

Djokovic er nýbúinn að ná efsta sætinu á heimslistanum og hann sýndi í dag að það er engin tilviljun að hann situr þar.