Landsliðshópur U17 kvenna sem mætir Spáni á EM

Þorlákur Árnason hefur valið átján manna hóp sinn fyrir úrslitakeppni EM U17 ára landsliða kvenna sem fram fer í Sviss í lok júlí. Liðið varð í 5. sæti á Norðurlandamótinu sem lauk um helgina.

Ísland mætir Spánverjum í undanúrslitum fimmtudaginn 28. júlí en Spánverjar eiga titil að verja. Í hinni undanúrslitaviðureigninni mætast Þjóðverjar og Frakkar.

Úrslitaleikurinn fer fram sunnudaginn 31. júlí og verður í beinni útsendingu á Eurosport.

Valur á þrjá fulltrúa í liðinu en ÍBV og Stjarnan tvo. Reynslumesti leikmaður liðsins er Guðmunda Brynja Óladóttir frá Selfossi sem á að baki 17 leiki með U17 landsliðinu.

Tveir nýliðar eru í hópnum. Þær Ingibjörg Yrsa Ellertsdóttir úr Grindavík og Unnbjörg Jóna Ómarsdóttir úr Víkingi Reykjavík.

Hópurinn

Lára Kristín Pedersen Afturelding

Aldís Kara Lúðvíksdóttir FH

Eva Núra Abrahamsdóttir Fylkir

Ingibjörg Yrsa Ellertsdóttir Grindavík

Glódís Perla Viggósdóttir HK

Sigríður Lára Garðarsdóttir ÍBV

Svava Tara Ólafsdóttir ÍBV

Arna Lind Kristinsdóttir Keflavík

Guðmunda Brynja Óladóttir Selfoss

Guðrún Arnardóttir Selfoss

Telma Þrastardóttir Stabæk

Anna María Baldursdóttir Stjarnan

Írunn Þorbjörg Aradóttir Stjarnan

Elín Metta Jensen Valur

Hildur Antonsdóttir Valur

Ingunn Haraldsdóttir Valur

Unnbjörg Jóna Ómarsdóttir Víkingur R.

Sandra María Jessen Þór